Ovttasbargu Sámi Siiddain
Jalvvi Niillas Holmberg & Pauli Lyytinen čuojaheaba bearjadaga 10.3. dmu 19.00.
Girječálli-musihkár Jalvvi Niillas Holmberg ja saksofonista-komponista Pauli Lyytinen hábmeba buolli geavgŋáid ja galbmi savvoniid jietnamáilmmi. Dálkkit dat rievddadit. Dáin čáziin ihtalit divttat, mat ain rávdnjot luohtin – ja muhtun šuoŋat gullojit vuosttas ja maŋimuš geardde dán konsearttas. Saksofon, rytmačuojanasat ja elektronihkka ráhkadit báikkuid duogáža, muhto duollet dálle dat viimmáskit maid sátnesaji váldit.
Lihpot Sámi Siidan miellahtuide 10 e, ii-miellahtuide 15 e.
– – –
Ovdal konseartta lea vejolašvuohta boradit Restaurant Aurora Holidays -restoráŋŋas dmu 17.00 rájes. Almmuheapmi 8.3. rádjai!
Fállut steaikka, buđetnjuvddus, joŋat. Bajildussan luomevuostágáhkku ja teadja/káffe. Haddi oktiibuot 34,50 e/rávesolbmos ja vuollel 12 jahkásaččat bealle haddái. Borramuš lea laktosakeahtes ja glutenkeahtes. Vejolašvuohta válljet vegánalaš borramuša, dego dálu šaddogáhkut, buđetnjuvddus, lákcaguopparsovsa ja bajildussan luomepavlova, teadja/káffe 29,50 e.
Almmuheapmi boradeapmái maŋimuštá gaskavahko 8.3. juogo e-boastta bokte restaurant@auroraholidays.net dahje sádde dieđu/whatsapp dieđu tlf.nr 0407625005 / Tiina. Almmut seammás juos leat juoga erenoamáš borramušallergiijat.
Fuomáš! Vuosttas 32 olbmo šihttet boradit.
Bures boahtin!
Sámi Siida rs 