Áiggiid čađa Sámi siida lea čađahan prošeavttaid ja almmuhan daid olis girjjiid, CD:i ja videoi. Searvái lea čállojuvvon historihkká, muhto dat ii leat dán siiddus.
2012
”HÁLIDAN AHTE GIELLA SIRDAŠUVVÁ OVDDOSGUVLUI, JA MU MÁNÁT OAHPAHIT DAN IEŽASET MÁNÁIDE”
Čielggadus Ohcejoga sámegielat nuoraid giellageavaheamis almmustuvvo Giela guovdu-seminaras 14. skábmamánu Ohcejoga Áilegas-dálus. Čielggadeami lea čállán FL Riitta Taipale. Čielggadusas bohtet ovdan oassái fuolastuhtti ja oassái hui buorit bohtosat nuoraid sámegiela geavaheamis ja sin ovdagáttuin.
Raporta gieđahallá 13-17 jahkásaš sámegielat Ohcejot nuoraid giellageavaheami bearrašis, skuvllas, astoáiggis, mediageavaheamis sihke lohkamis ja čállimis. Eanaš nuorat geavahit suomagiela eanet go sámegiela eanaš giellašiljuin árgabeaivvi eallimis. Sii hállet suomagiela oappáiguin, vieljaiguin ja skihpáriiguin. Skuvllas ge lea dušše sámegielat oahpahusa luohkkálatnja sámegielat šillju, muđui hállet dušše suomagiela dahje eanemustá suomagiela skuvllas. Astoáiggis leat eanaš fálaldagat dušše suomagillii ja sii hállet beare suomagiela doppe. Dušše Sámi Siidda nuoraiddoaimmain ja Norgga beale lágidemiin geavahit sámegiela. Nuoraide eai leat sámegielat mediafálaldagat ja sii lohket girjjálašvuođa masá dušše suomagillii.
Raporttas boahtá maid ovdan mo nuorat háliidivčče buoridit sámegiela dili nuoraid gaskkas ja sii evttohit doaibmabijuid mat livčče sin miela mielde ja buoridivčče sámegiela. Sii háliidit buohkat sámegielat mánáid ja eanaš oassi lea juo mearridan ieža hállat sámegiela mánáide.
FM Riita Taipale (1945) lea suopmelaš dutki guhte lea oahppan sámegiela ja barggu bokte oahpásmuvvan sámekultuvrii. Son lea bargan oahpaheaddjin sihke Ruoŧas ja Suomas earret eará Ohcejogas. Son lea maid bargan dulkkaid ja jorgaleaddjiid skuvlejeaddjin Sámi allaskuvllas Guovdageainnus Norgga bealde ja Sámi oahpahusguovddážis Anáris.
Čielggadusa várás Sámi Siida oaččui ruhtadeami Oahpahusministeriijas 4000 euro ja geavahii Suoma kulturruhtafoandda báikkálaš Myrsky-fidnui boahtán doarjjaruđa. Ovttas!-fidnu ruhtadit Sámeleana gielddaidlihttu/Lapin liitto, Davvikalohttaráđđi, INTERREG IVA Davimus Sápmi, Ohcejoga gielda, Norgga Sámediggi, Ođasmahttin-, hálddahus- ja girkodepartemeanta, Deanu gielda ja Deanu giellagáddi.
2010
Siidda nuorat. CD Musihkka skearru
Musihkaskearrus leat fárus Moivvas, Muohtačalmmit, A.D.H.D. Skálvi nuoraid musihkajoavkkut.
Giella: Davvisámegiella.
Buvttadan: Sámi Siida
Skearru sáhttá oastit Šiella -gávppis Ohcejoga gilidálus Giissás 9 euroi.
2006
Dálvemáilmmi bivut, 13 minuhta
Inger-Mari Aikio-Arianaick dagai Jiella -čuojahanjoavkku oanehaš dokumentta Dálvemáilmmi bivut (Perinteinen talvivaatetus).
Dieđut Elonet -siiddus.
Giella: Davvisámegiella.
Teksten: Suomagillii. Eaŋgalasgillii.
Buvttadan: Sámi Siida
Skearru sáhttá oastit Šiella -gávppis Ohcejoga gilidálus Giissás 8 euroi.
2005
Cokka fal ná (Pukaise vain näin) 2005
Videos oaidná mo sámegáktái galgá gárvodit konfirmašuvdnii.
Bagadalli: Inger-Mari Aikio
Buvttadeapmi: Sámi siida rs. ja Sogsakk, YES-prošeakta. 2005.
VIDEO: Sámi árrabajásgeassinmateriálabáŋku Kuati.fi (Geahččan: 6/2020)
Sámi Siida rs 